رسالة للناجحين الجدد: أول مرة تدخلون سوق العمل
مبارك للناجحين 🎉🎉🎉
حبيت أوجه لكم رسالة تمنيت لو حد قالها لي أول مرة دخلت فيها سوق العمل:
لا خطة واضحة، ولا طريق مرسومة
أنتم الآن لأول مرة بحياتكم ما في خطة واضحة لحياتكم ولا طريق مرسومة — أنتم هترسموها.
ما في معيار تقيموا فيه أنفسكم ناجحين أو لأ.
لا تستسلموا لمعيار النجاح المادي
هيحاول بعض الناس يفرضوا عليكم معيار نجاح "كم بتكسبوا مادياً". لا تستسلموا لهذا المعيار.
ممكن تكون بعمل ما بتحبه وبتكسب كثير، بس بعد فترة تدفعه كله علاجات على صحتك.
قارنوا أنفسكم بأنفسكم
لا تقارن نفسك بالناس اللي عندهم خبرة أكثر منك، لأن هذه المقارنة هتحبطك، ولأنك ممكن كثير لما تصير عندك خبرة مثلهم تصير أفضل منهم.
قارن نفسك باللي خبرتهم مثلك، وبنفسك، وتقدمك.
صحتك النفسية والجسدية مسؤوليتك بس، وإذا ما اهتميت فيها ما حد هيهتم، وأنت اللي هتدفع الثمن.
تعلموا عن المال
تعلم عن المال، لأنك بتبيع ساعات عمرك لأجل هذا المال. إذا وضعته بكأس مكسور، فأنت بتبيع عمرك مقابل لا شيء، وهتندم عليه كثير.
إذا هتشتري حاجة، لا تحسبها هذي بس ب 50 شيكل — هذي عبارة عن 6 أو 8 ساعات من عمري. هل بتستاهل؟
كل خيار هتختاره هيكون مخيف، ومش هتقدر تحس بالثقة إلا لما تنجح فيه وتشوف نتيجته بعد شهور.
وكل خيار لشيء نعم، هوي لأ لشيء ثاني. دايماً أتأكد إنك ما تكون اخترت خلاف الأولى وما قلت لأ لشيء ما بيتعوض.
سوق العمل مثل ضربات القلب
سوق العمل بكل العالم مثل تخطيط ضربات القلب — أيام فوق وأيام تحت، وما في شيء ثابت.
أنا شفت بعيني أيام الكورونا 2019: شركات كانت توظف ناس على كورس 3 شهور ويعملولهم عقود عمل لسنوات. وأيام الذكاء الصناعي 2025: وهم بيطردوا الأغلب وما بيخلوا إلا صفوة الصفوة.
أهم شيء: اعرفوا دوركم بالأيام اللي السوق تحت — استغلوها لتطوروا أنفسكم ومهاراتكم، حتى لما تيجي أيام الخير تكون قيمة ساعتك عالية.
قيمة شهادة العلاج الطبيعي
من نعم الله عليكم إنكم الآن خريجين تخصص حتى بعد مئة سنة ما هيكون في ربوت ولا جهاز يقوم بشغلكم.
هتشوفوا الأيام الجاي طلاب تخصصات ثانية شهادتهم ما عاد إلها قيمة، لأن الذكاء الصناعي أو الربوتات هتقوم بعملهم. بيتوقع يصيروا كل 7 سنين يغيروا لتخصص جديد!
الحمد لله، العلاج الطبيعي شهادته محترمة بكل العالم، وقيمتها باقية وهتزيد كثير جداً مستقبلاً، بسبب إن الناس طبيعة أعمالها هتزيد فترات الجلوس وقلة الحركة بكثير.
المنافسة تولد الإبداع
الحمد لله الجامعات الفلسطينية صارت تخرج أعداد كبيرة من تخصصنا، وهذا هيولد منافسة، والمنافسة هتولد إبداع بخدمة الناس وتطور كبير بالمجال والتخصص، وكل هذا هينعكس بخدمة أفضل للناس.
أنا سعيدة بنجاحكم زميلاتي وزملائي، ومتحمسة كثير لأشوف إبداعاتكم ونجاحاتكم بخدمة الناس.
نصيحة أخيرة
اليوم اللي ما هتتعلموا فيه معلومة جديدة، أنتم هتنسوا من معلوماتكم — فهيكون جعلكم أقل وليس أكثر.